Annonse
mobil
Elisabeth Stene ny HR-direktør i Telenor Norge
Ho har lang fartstid i selskapet, og gler seg til å ta fatt på oppgåva i det største selskapet i Telenor-familien.
Stene kjem frå stillinga som HR-direktør i Digi, Telenor sitt dotterselskap i Malaysia. Ho etterfølgjer Anne Flagstad, og starta i jobben 1. mai, skriver Telenor i ei pressemelding i nynorsk språkdrakt, i anledning nynorskdagen.
– Eg gler meg til å kome tilbake til Telenor Norge, eit selskap eg starta i tilbake i 1996. Selskapet har eit viktig samfunnsoppdrag, og betyr mykje for mange i Norge. Då er ei av oppgåvene mine å syte for at Telenor er rusta med gode medarbeidarar som samhandlar godt og forstår kundane sine behov. Gode medarbeidarar har vi alt, men oppgåva mi er å legge tilhøva til rette for at vi skal bli endå betre på samarbeid og kompetanseutvikling.
Lang erfaring
Petter-Børre Furberg, administrerande direktør i Telenor Norge tek varmt imot Stene.
– Eg ser frem til å få Elisabeth med i leiargruppa. Ho har lang røynsle innan HR-faget, og har jobba i fleire av Telenor sine selskap, samt i andre organisasjonar. Telenor er midt i eit krevjande moderniserings- og digitaliseringsløp, og Elisabeth vil få ei viktig rolle i å leie organisasjons- og utviklingsarbeidet med leiarskap framover.
Telenor nyttar samstundes høvet til å gratulere med nynorskdagen, som er i dag, 12. mai.
