Gir nasjonal oversikt over smittsomme sykdommer
Alle kommuneoverlegar kan no ta i bruk Kommunens sjukdomsoversikt (KoSy), som er eit nytt, nasjonalt verktøy som gir kontinuerleg statistikk om smittsame sjukdomar og vaksinasjon lokalt og regional, melder Regjeringen.
– Det er avgjerande for beredskapen i landet at kommuneoverlegane har rask tilgang til påliteleg informasjon. KoSy gjer det enklare å ta gode og effektive smitteverntiltak lokalt. Derfor er det gledeleg at dette verktøyet no er komen i gang, seier helse- og omsorgsminister Jan Christian Vestre.
– Kommunane har eit stort behov for god og tilgjengeleg kunnskap. KoSy er eit viktig første skritt for å gi kommunane verktøy for betre oversikt med smittesporing, både i kvardagen og i krisesituasjonar, seier styreleiar i KS, Gunn Marit Helgesen.
KoSy, som nyleg blei sett i drift (fhi.no), skal styrke smittevernarbeidet og gi betre grunnlag for råd og tiltak i kommunen. Tenesta er kostnadsfri for alle kommunar. (hf)